Турж байгаа хүмүүсийн гаргадаг нийтлэг алдаа

Өвлийн улирлын ерөнхий зураглал бол ширээ дүүрэн хүнс, зурагт, диван гэж зураглаж болно. Амьдралын үргэлжлэл нь идэх, эцэс төгсгөлгүй үргэлжлэх телесериал, ток шоу, унтах, унтах, унтах… Нэгэн цагт өөрийгөө толинд хараад итгэхгүй л болов уу.

Хэдийгээр үүнийг хүлээн зөвшөөрөхөд хэцүү боловч үнэн нь тэр л дээ. Турахаар бид олон удаа оролдсон ч ямар ч үр дүнд хүрэхгүй байгаагийн бурууг өөрөөсөө хайх хэрэгтэй. Өөрөөр хэлбэл юуг ч юм бэ бид дутуу хийж байна. Эдгээрийг нэрлэхийг оролдьё.
~ хэрэв танд идэхээс өөр хийх зүйл байхгүй бол хөргөгч зурагтынхаа хооронд аялахын оронд дуртай ямар нэг зүйлээ бодож олон хий. Зав зай ихтэй байна гэдэг яав ч сайны ёр биш. Хийх юмгүй хүн л иднэ шүү дээ.
~ турах тухай үргэлж бүү бод. Өөрийн биеийг бүү албад. Тэр тусмаа ходоодоо.
~ хүссэнээ л ид. Илүү хэрэггүй. Тэгвэл гахай болно.
~ тэссэнгүй гэдэг нэг тайлбар бий. Энэ бол идэхгүй, эсвэл түр хугацаагаар идэхээ хязгаарлаад дахин үргэлжлэхийг хэлнэ.
~ үүний дараагаар цайрах гэдэг ойлголт гарна . Нэгэнт л идэж эхэлсэн бол юу тааралдсанаа иднэ. Бүр юм идэх хүсэлгүй ч байсан.
~ маргааш гэдэг өвчин. Маргааш л яг турж эхэлнэ, өнөөдөр сайн идэж авья гэдэг ч юмуу. Ганцхан маргааш нь хуримтлагдсан илчлэгийг хэрхэх вэ гэхэд л учир бий. Гунигтай ч турах ажлаа дахиад л маргааш өдөрт шилжүүлнэ.
~ хүн үргэлж л хивж байхыг хүсдэг. Гэхдээ гурилан зүйл биш жимс байхад яагаад болохгүй гэж. Амттайгаас гадна илүү ашигтай.
~ Өөрийгөө үзэн ядах хэрэггүй. Их идэхийн донгоос хойш хүн өөрийгөө толинд харан дотоод сэтгэлдээ тунгаах нь элбэг. Ингэхдээ өөртөө байгаа ямар нэг сайн зүйлээ олж харахыг хичээ. Хөлөн дээрх мэнгэ ч юм уу, сормуус гэх мэтээр. Ингэж таашаал авах нь танд тусална.
~ Ертөнцийг өөр нүдээр харахыг хичээ. Ингэвэл олон сайхан зүйлс таны харааг булааж ч магадгүй. Сүүлийн үед таны бодол зөвхөн идэх үү, байх уу гэдэгт л төвлөрч байсан байна. Бүхнийг мартаад гадагшаа гар.
~ Өлсөх хэрэггүй. Өлөн ходоод хоол нэхэн таныг зовоож байгаа ч биеэ барин заавал чихэр, төмс байх биш өөр таны биеийн гоо сайхныг алдагдуулахгүй ийм хүнсийг сонгож сур.
~ орчин тойрныхноо би их таргалж байна уу гэх зэргээр битгий зовоо. Хэн нэг нь тийм байна аа гэвэл та сэтгэлээр л унахын нэмэр шүү дээ. Тэгээд ч хэрэггүй асуултаар хэн ч турдаггүй. Харин толиндоо өөрийгөө харан өөртэйгөө ярь.
~ Өөрийгөө хайрлах хэрэггүй. Турахаар шийдсэн л бол турах л хэрэгтэй. Өнөөдөр онцгүй өдөр, гариг эрхэст таагүй гэх зэргээр өөрийгөө бүү хуур. Үүнээс улам л дордоно.
~ Өөрийгөө шалга. Үнэхээр хүсч байгаа бол хийх л хэрэгтэй. Ингэхдээ эхлэхэд биш үргэлжлүүлэхдээ гол нь оршино гэдгийг санаж бай. Магадгүй та хэд хэдэн удаа ч эхэлсэн байхыг үгүйсгэхгүй.
~ Хүүхдүүдэд л том хувцас авдаг. Зарим эмэгтэйчүүд өөрийгөө урамшуулах зорилгоор нэг хоёр размер бага хувцас авах нь бий. Минийхээр бол энэ хувцас нь дараа удаа орохгүй болохоор улам илүү л сэтгэл гутрах болдог. Тиймээс өөртөө таарсан, өмсөж болохоор хувцас авч бай.
~ Юуг ч битгий хойш тавь. Сүүлд турахаараа гэх мэтийн үгүүдийг март. Тэгвэл одоо яах ёстой вэ.
~ хэрэв турахаар шийдсэн бол одоо л эхэл. Тэгвэл болж л таараа.