Турчихиймсан... » тэмдэглэл

Дахиал Аварга тосон

admin — Tue, 07 Aug 2007 06:03:14 +0000

Дахиж аварга тосон орлоо. Гэхдээ энэ удаа нилээн олуулаа очлоо. 3 өдөр 2 шөнийн аялал байв. Баасан гаригийн үдээс хойш хотоос гараад бүтэн сайны шөнө нь эргэж ирлээ. Олон өдөр бороо үргэлжлэн орж байсан ч гэсэн яг энэ өдрүүдэд цаг агаар үнэхээр сайхан байв. Бид ийм болохыг урьдчилан CNN -ээс мэдэж авсан бөлгөө. Ингээ д аян замын фото сурвалжлагаа хүргэе.

	Замд гарахаар машаан унаандаа сууж аваад гарлаа гэж.
	Машаандаа суугаал юу юугүй л идээд эхэллээ дээ.
	Жаргалтхаан сум. Энд Шунхлайгийн их сайхан тохижуулсан шатахуун түгээгүүр байдаг юм байна лээ. Эндээс эгц урагшаагаа 40 гаруй км шонгийн мод дагаж яваал Дэлгэрхаан орно. Дэлгэрхаанаас баруун талд харагдах өндөрлөг дээр Аварга тосон байх бөлгөө. Замдаа дугуй хагарсан. Би ч яахав угийн Феррари багийн механик юм болохоороо 9 секундэд л дугуй солив.
	Очингуутаа л бас идэж уугаад эхлэв. Хөвсгөлийн загас. Харин тэр Тайгэр барьчихсан нөхөр сүүлд загас яасан ийсэн, хэн идсэн, хэлж өг, хэлмэн цолмон, тоодог тогоруу гээд хэрүүл хийгээд байсан.
	9 өнгөрч байхад очив. Гэрээ авч ороол шууд найрлаж гарлаа. Бид 3 хэсэг тасарч гарсан бөгөөд эхнийх нь 15 цагт, дараахь нь 16 цагт, 17:30д хотоос гарсан бөлгөө. Гэвч бараг зэрэг Аварга Тосонд ирцгээлээ. Наадмаар ирж байсныг бодвол хүн эрс цөөрсөн байв. Гэрийн үнэ ч 10000 төг болсон байлаа. Урд нь орж байсан гэрийн бодвол хамаагүй тансаг байлаа. Гэвч тэр урд нь орсон гэрийг бид өөрсдөө босгосон учир илүү гоё байсан юм.Хамгийн том гэртээ найрлаж байгаа нь…


	Цэцэн цэлмэг үгсээр харилцан ярилцаж байлаа.
	Тэр үгсийг хүмүүс их анхааралтай сонсов.
	Зарим нь тэр үгсийг эсэргүүцэхийг чармайж байлаа.
	Маш олон гүн ухааны зүйлс ярьсан учир зарим нь ядрав.
	Зарим нь бүүр ухаан алдав.
	Ухаан санаагаа цэлмээхээр гадагш гарав. Гэтэл гадаа саран авхай маш хурцаар гэрэлтүүлж байсан учир сэргэг зарим нь нуур луу очиж байгалийн сайханг шагшин магтав.
	Урд шөнө нь хэт их гүн ухааны яриа ярьсан учир залуус маш ядарсан байв. Тиймээс Аварга тосонгоос 15км урд орших Аураг рашааныг зорив.
	Аураг хэмээх тэрхүү рашаан ядарч туйлдсан залуусыг дахин гүн ухааны яриагаа үргэлжлүүлэх эрч хүч өгөвшд.
	Улам их эрч хүчийг авахаар шунаглав.
	Урд шөнийн яриа маш өгөөжтэй байсан тухай хүмүүс ам булаалдан ярив.
	Өнөөдөр ямар сэдвээр ярихаа тохирцов.
	Зарим нь тэр сэдвээр Доктор болсон хэмээн сайрхав.
	Хурдан гүн ухааны яриагаа үргэжлүүлэхээр яаран сандран буцлаа.

	Энэ бол зураг авах дүрмийн дагуу авсан зураг. Тай багш надад заасан бөлгөө.
	Тосон нууранд орлоо. Өнөөх Смайли хаа сайгүй байдаг шүү.
	Усанд орчоол сайхан наранд ганц нэгээрээ биеэ шарлаа.
	Зарим нь давхарлдан шарав. Ингэж шарах нь шарах хүчийг улам нэмэгдүүлнэ.
	Гэтэл Есүс Христ бидэн дээр өөрийн биеэр хүрч ирлээ.
	Гэтэл х үүхэд айж, амь зулбан зугтлаа.
	Дагаад бүгдээрээ зугтлааа. Аааааааааааа амь авраарай….
	Усанд бүгдээрээ эрэг рүү гарч чадахгүй айв. Гэтэл Христ ертөнцийн үүсэл энэ тэрийн тухай сургаалаа айлдаж биднийг айлтгүй гэлээ.
	Бид найз болов. Ингээд зарим нь усан баталгаа хийлгэлээ.
	Усан баталгаа хийлгэх хүмүүсийн тоо нэмэгдэв.
	Гоо сайхны шавар эмчилгээ хийлгэж байгаа нь…
	Ус руу хар хүчээрээ гүйж орох нь үнээр ханамжтай…
	Залуус ханамж авч байгаа нь
	Зарим нэг нь нарны шилийг усны шилтэй андууран зүүсэн байлаа.
	Хэлээд байхад л андуурсаар. Иймэрхүү юм мэдэхгүй байж мэддэг царай гарган, тэрийгээ бүүр хамгаалдаг хүмүүс маш олон шүү..
	Тиймэрхүү нөхдийг шууд ус руу шидэв.
	тэгсэн ч шилээ зүүсээр…
	Дахиал шидэв…
	Нохой болов…
	бүр хорхой болов..
	Тэгсэн ч зүүсээр л….Заассссссссссс. зүү зүүү. Ядаргаатайн.
	Хосууд гэжуагааа…
	Энэ өдөр нар хурц биш яг сайхан тааруулж шарж байв. Бид ч яг номын дагуу тааруулж, тохируулж шарж усанд орж байв.
	Заримдаа энд тэндээс халим гарж ирж ус үсчүүлнэ.
	Хунт нуур балет
	Энэ бол маш нарийн чадвар шаардсан үзүүлбэр ч гэсэн маш чадварлаг сайхан хийж байлаа…
	Баярласан үзэгчид зарим балетчидийг дээш шидэлж байлаа…
	Орой болж даалуу тоглов…
	Даалуу Үйлүүтэй сууж байсныг би яааж мэдддийн. Хэлкүү яасийн…

	Хараа уувал ингэж нүцгэрч байгааамшд..
	Шөнө ч гэсэн нөгөө халим бас л байсаар…
	Шөнө нууранд орох үнээр сайхан байв. Уснаас гарах гэхээр даарч байв. Ус маш бүлээнхэн хавь орчин чимээ аниргүй.
	Гэтэл гэнэт хэдэн архичид гарч ирэв..

	Өглөө нь бас л гүн ухааны ярианд ядарсан залуус нөхөн сэргээх эмчилгээгээ хийлээ.
	Тэр хүнд ширүүн гүн ухаааны яриаг даван гарч, амьд үлдсэндээ зарим нь баярлан мөргөж байв..
	Мөргөлчдийн цуваа үргэлжилсээр…

Амралт буюу Аварга тосон орох замд

admin — Mon, 16 Jul 2007 08:15:33 +0000

Наадмаар юу хийх билээ яах билээ гэдэг бодол аль 6 сараас эхлээд тархины нэг хэсэгт наалдчихаад салахгүй байлаа. Хотод байвал хийх юм байхгүй. Гэтэл өчнөөн олон хоног амрах гээд байдаг. Хөдөө явах гэхээр машаан тэрэггүй хүн чинь яааах ч билээ. Хөдөө явлаа ч хаашаагаа явах юм билээ. Хөдөө явж бараг үзээгүй. Монголынхоо хаана юу байгааг ч сайн мэдэхгүй. Тэгсэн мөртлөө найзууддаа “тийшээ явбал тэгнэ. төдөн доллараар тэгээд ингээд” гээл гадаад дотоод явахыг ичихгүй зааж суудаг болж байна уу энэ чинь, Энхбаатараа?

Гэтэл хамтрагч маань Аварга тосон гэх газар луу явъя, урд нь тийшээ очиж байсан гэлээ шүү. Гэтэл хоёулаа дэмий, олуулаа явбал хөгжилтэй, хэмнэлттэй, замд ямар нэгэн юм болвол ханьтай гээд хүмүүсийг уриаллаа. 6 хүн боллоо. Хамтрагч маань хүүхэдтэйгээ явах болж долуулаа боллоо. Дордохын 7 гэж бодовч гадаадад чинь 7 тоо маш сайн гэж бодоод тайвширлаа. Сая 2007 оны 7 сарын 7 чинь чухам сайн өдөр гээд дэлхийн өнцөг булан бүрт хосууд үй олноор хуримлавшд. Юун манай Балжинням Дашнямтай өдөр. За тэгээд 7 сарын 11 буюу наадмын эхний өдөр 10 цагт цугларч аваад гараад шидэхээр шийдлээ.

7 сарын 10 өдөр хүмүүс баасан гариг болсон мэт л энд тэндгүй баярын уур амьсгал орж паари нэгэнт эхэлжээ. Манай бас нэгэн найзын маань төрсөн өдөр болж эхлээд тийш очив. Дараа нь хамт явах залуучуудтайгаа үргэлжлүүлэн паарийдав. Үүрийн 4 цаг хүртэл пааридав. Товлосон өдөр боллоо. Өглөө 10 цагт цугларч хөдөлөх гэж мунгинасаар байтал 15 цаг гэж байхад л арай гэж хотоос гарлаа. Хамт явах 3 залуу маань шууд л Ланд 100 хөлөглөлөө. Өглөөхөн л ямар ч машингүй, танай машааны хонины хонхорт чихээд явахад дээдийн заяа гэж байсан хүмүүс нүдэн дээр амьдрал нь сайжираад явчлаа. Гэтэл манайд тийм машин хөлслүүлдэг үйлчилгээ бий болчихсон ажээ. Хоногийн 50 доллараар хөлсөлөөд дээрээс нь бензиний мөнгийг нь төлчихдөг болж. Машин тэрэггүй хүмүүст амар бөгөөд яршиг төвөг багатай их л аятайхан үйлчилгээ санагдсан.

За тэгээд гараад шидчихлээ дээ. Хамтрагч маань өмнө нь ийшээ тийшээ аялж байсан болохоор их л туршлагатай бүхий л зүйлийг базаажээ. Прадо жипний ар дүүрж байлаа. Бусад нь бол өмсөх хувцасаа л үүргэвчиндээ хийсэн байлаа. Туршлагатай хүн ч цаанаа л ондоо ажээ. Аялалын check list гаргаж тэрийг нягтлан бүртгэж байхад би дутуу нойртойгоо ноцолдож, өчигдөр чинь юу юугаа хаяж гээсэн тухайгаа бодож байв.

-За байз утсаа хаячихсан одоо яах билээ?
- Тэрэн дээр чинь тэр, тэрний утасны дугаар байсан шдээ, одоо дугааруудаа яаж дахин хийнээ?
- Эрхээ сэргээнэ, утас авна, утсандаа дасна, дахиал бөөн мөнгө зарлагадах нь
- Нойр ямар аймаар хүржийнаа, жоохон дуг хийчихиймсан
- Ёоо толгой толгой, дахиж л уухаа болий чи минь
- Үгүй чи энийг өөртөө хэд хэлж байнаа
- Харин тиймээ тэгээл болохгүй л байна шдээ, тэхээр чинь би яахийн болжийно
- Юу болохгүй байна гэж, арчаагүй царайлчихаад
- Чи тэгвэл тийм л сүрхий юм бол өөрөө уухгүй байх чинь яасийн..
- энэ чинь юу болжийноо өөрөө өөртэйгээ хэрэлдээд байна шдээ? Солиорч байгаа нь энэ юм болов уу?
- Хүн ингэж байгаад солиорчихдог юм гэнэ лээ шүү

гэсэн бодлууд толгойд орж явсаар гэнэт сэхээ орон харвал Баянзүрхийн гүүрээр давж явлаа. Хамт явсан нэг маань “Хүүе таминь зогсоорой би энэ туул голд нэг их чухал зүйл урсгах ёстой юм байгаам” гэлээ замаасаа гарч гол ортол тэрээр их л чухал зүйлийг нандигнан, хэдэн үг шивнээд чулуудлаа.

Монголчууд маань бас л нилээн мухар шүтлэгтэй болжээ. Хүмүүс зовлон зүдгүүртэй тулгараад юмуу өөрийн хэр чинээнээс давж гарсан зүйл тохиолдоход далдын их хүчийг хүсэн тэр нь л бүх зүйлийг нь биелүүлэх мэтээр бодож мухар сүсэгт маш ихээр автах болжээ. Тэрэн дээр нь дөрөөлөөд энэ балиар шар дээлтэй, бүдүүн тарган халзан новшнууд сэгэнд дээр цугларсан хэрээ шиг л шавааран улам улам балиар харанхуй бурангуй үйлдлүүдийг хийх болжээ. Нэгэн зураач нөхөр лам болж аваад хорвоогийн хамаг учир ёсыг мэдэн, бараг л өөрөө энэ ертөнцийг бүтээсэн мэтээр аяглаж сүсэгтэн олныг дагуулах ажээ. Харахаас л… за тэр ч яахав энэ талаар дараа дэлгэрэнгүй ярина.

Машин маань холын замд гарангуутаа согог нь танигдлаа. 80 милээс дээш гарахаараа л нисдэг тэрэг шиг дүнгэнээд эхлэв. Би угаасаа л машинаас айдаг өвчтэй болохоор ямар машин тэрэг мэдэх биш хий дэмий л “Ай мөн хүчтэй машинаа” хэмээн тал заслаа. Гэтэл “Үхсэний чинь хүчтэй. Тахир гол нь таранбүлүүртэйгээ холилдчихсон байна” гэсэн утгатай зүйл хэлж уурсав. Би тэр хэлсэн нарийн ширийн гадаад үгийг нь мэдэхгүй учир ямар нэгэн зүйл болохоо байсныг ярианых нь өнгөөр ойлгов. Шинээр машин авах гэж байгаа хүмүүс хот дотор туршихаас гадна хөдөө хээр явж үзэж байж авах хэрэгтэй юм байна лээ шүү. Ингээд 5 гаруй цаг 80 милээс хэтэрэхгүй хурдтай явсаар зорьсон газар Аварга тосондоо ирлээ.

Үргэлжлэл…